اردبیل (اوستانی) - ایرانیین شیمال- غربینده بیر بولگه دیر. تاریخی و بویوک ایسلام شهری اولان اردبیل بو بؤلگه نین مرکزیدیر.

 جوغرافییا

ساحه سی 1800 کیلومئتر² دیر. اردبیل بؤلگه سینه ردبیل شهری، خالخال، میشکینشهر، گئرمی (موغان)، بیلسووار و پارساباد رایونلاری داخیلدیر. 1996-جی ایلده بؤلگه نین اهالیسی نین سایی 1168000اولموشدور. اهالی نین 48،8%-ای شهر، 51،1%-ای کند اهلیدیر، قالان حیصه سی ایسه کؤچری طایفالاردیر. بؤلگه نین 4 رایونون آذربایجان رئسپوبلیکاسی ایله 282،5 کیلومئتر سرحدی واردیر. آراز و بلها چایلاری همین سرحدین 159 کم اوزونلوغونو تشکیل ائدیر. ایکی منطقه نین - اسلاندوز و بیلسووار کؤمگی ایله بؤلگه آذربایجان رئسپوبلیکاسی ایله علاقه یارادیر. بئله کی، اردبیل-آستارا یولو حئیراندان کئچیر، اردبیلی رشت، قزوین و تئهران ایله بیرلشدیریر.

اردبیلین موختلیف جوغرافی و ایقلیمی شرایطی واردیر. اردبیل بؤلگه سی اساسن داغلیق حیصه دن عیبارتدیر. بؤلگه نی مهشور ساوالان، تالیش و بوزقوش داغلاری احاطه ائدیر. بؤلگه نین ان یوکسک زیروه سی نین هوندورلوگو 4811 مئتردیر. عومومیتله اردبیل ایرانین ان سویوق بؤلگه سیدیر. ایلین 5-8 آیی سویوق هاوا اولور. بؤلگه نین ایقلیمی سویوق قیش و سرین یای ایله خاراکتئریزه ائدیلیر. بیلسووار رایونو یوکسک داغ زوناسیندا یئرلشیر. یایی ایستی، قیشی ایسه سابیتدیر. پارساباد رایونو دا بؤیوک داغ زوناسیندا یئرلشییر. اورانین ایقلیمی مولاییم ایستیدیر. موغان رایونو بوتون اؤلکه‌ده اینکیشاف ائتمیش کند تصروفاتی و حئیواندارلیقلا تانینیر.

گئرمی رایونو آلچاق و هوندور داغ سیلسیله لری نین آراسیندا یئرلشیر. یایی ایستیدیر، قیشی ایسه مولاییم. خالخال رایونو داغلیق زونادیر. قیشی سویوقدور، یایدا هاوالار ثابیتدیر. ایلین 5 آیی بورادا گوجلو قار و شاختا اولور، بو دا ااسالئم-خالخال یولونون تالیش داغلاریندان کئچن یئری نین بو دؤورده باغلانماسینا تئز-تئز سبب اولور. مئشکینشهر رایونو ساوالان داغی نین قربینده یئرلشیر و داغ اتگی زونانی اهاته ائدیر. قیشی سویوقدور، یایی ایسه مولاییم.

آوروپا ماللاری نین ایرانا گتیریلمه سینده اردبیلین تیجارت مرکزینه چئوریلمه سینه سبب اولموشدور.گئرمی رایونودا بیر آن بویوک داگی wار و اودا (تانگا) عادینان تانینیر.

 اردبیل ایندیکی دؤوره ده

ایندیکی دؤورده اردبیل بؤلگه نین ان ایری و مؤهوم شهرلریندن بیریدیر و بورادا چوخلو تاریخی آبیده لر مؤوجوددور، اساسن صفویلر دؤورونه آیددیرلر. بوندان باشقا آذربایجان رئسپوبلیکاسینا گئدن اساس آوتوموبیل یولو اردبیلدن کئچیر. زنگین طبیعتی ایله مشهور اولان بؤلگه نین اراضیسینده بیر نئچه چایلار و ایستی بولاقلار آخیر. بو سببدن اردبیل توریزم مرکزینه چئوریلمیشدیر و بورا هر ایل مینلرله توریستلرین آخینی اولور.

شهرین گؤزل تاریخی آبیده لری، اؤزونه مخصوص معمارلیق عنعنه لری، موقدس مسجیدلری، کیلسه لری، قدیم کؤرپولری اردبیله خوصوصی عظمت وئریر. تیجارت مرکزی اولان اردبیل بازاری خوصوصی معمارلیق طرزده تیکیلمیشدیر. بوندان باشقا بؤلگه نین طبیعتی اینسانلاری والئه ائدیر. ساوالان داغی نین اطرافیندا گؤزل تبیی وادیلری، سرئی نین سویوق بولاقلاری توریستلرین ایستیراحتینه یازدا و یایدا یاخشی شرایت یارادیر. شورابیل و نئور گؤللری نین اطرافیندا یارادیلان ایستیراحت زونالاری بین الخالق توریزم ستاندارتلارینا اویغوندور. بؤلگه نین آذربایجان رئسپوبلیکاسی ایله سرحد اولماسی، اردبیلین ایقتیصادیاتینا و توریزم اینفراستروکتورونون اینکیشافینا بؤیوک تکان وئریر.